أسرار ومفاتيح كتابة الرواية

تعريف الرواية

 الرواية هي قصة خيالية ونثرية طويلة؛ وهي اكثر فن انتشارا و شهرة من فنون الأدب النثريّ. تتميز بالتشويق في الأمور والمواضيع والقضايا المختلفة سواء أكانت أخلاقية أو اجتماعية أو فلسفية،وبعضها يتحدث عن الإصلاح و إظهار غير المألوف او يكون هدف الرواية للضحك و الترفيه.

أشكال الرواية او أنواعها

 الرواية النفسية  : تتحدث عن تجارب و أفكار ومشاعر شخص أو أكثر وتختلف عن الواقعية.

الرواية الرومانسية: هي المراة التي تعكس الشكل المثالي للحياة كما أنها تحتوي على الخيال العلمي والمستقبل أو تتحدث عن الفضاء الخارجي او الكواكب.

الرواية البوليسية: أحب الروايات عند المتلقي حيث تتميز بعنصر الغموض والتشويق والمجهول.

وده طبعا غير روايات الرعب والفانتازيا والروايات السياسية وحتي الروايات اللي بتاخد طابع ديني

صفات الرواية ميزات الرواية عن الفنون الأدبيةالأخرى:

 1) فن أدبي سرديّ يقوله راوٍي وتختلف عن المسرحيات بأنها تحكى عن طريق أفعال الشخصيات و التمثيل .

 2) أطول من القصة القصيرة وتُأخذ مدة زمنية أطول وتحتوي عددًا من الشخصيات أكبر .

3) تستخدم اللغة النثرية في كتابتها .

 4) يتم بناؤها من نسج الخيال و الأوهام ،لا تعتمد على القصص الحقيقية والتاريخ و السير الذاتية ولكن قد تكون مستوحاه من الواقع

الفرق بين الرواية والقصة القصيرة :

القصة القصيرة يتوافر فيها كافة عناصر القصة الطويلة ( الرواية)  من وجود زمان، ومكان، وموضوع، مع إمكانية استغناء الكاتب عن أحدها، وتتميز عن القصة الطويلة بأن الكاتب يركز على أسلوب السرد واختيار المفردات بحيث يصل بفكرة أو أفكار القصة إلى القارئ بأقل عدد من الكلمات

ده كله كويس ازاي بقي اكتب رواية ؟

الرواية بمنتهي السهوله هي حكاية ، هي الفيلم اللي بتتفرج عليه واللي بتتكون من احداث وشخصيات وطبعا بيبقي فيه شخصيات محورية أساسية ودول اللي بيقوم عليهم العمل وبتدور حولهم الرواية وشخصيات مكملة أو فرعية .

1-حدد أو حددي انت عايز تكتب في ايه أو في أي مجال من مجالات الرواية

2-حاول تقرأ كتير في مجالات مختلفة  وكتاب مختلفين وخاصة في المجال اللي انت عايز تكتب فيه

3- ارسم القصة بتاعتك في دماغك واتخيلها علي انها فيلم بيتعرض قدامك وابدا اكتب مشاهد القصة دي

4- لازم تكون عارف ان الرواية لازم يكون فيها تسلسل الاحداث من البداية حتي تصل مع القارئ الي ذروة الاحداث المبني عليها موضوع الرواية وفي الاخير يكون هناك تقديم للحلول اللي انت بتخلقلها فرضيات بتناقشها او قضيه معينه
5- استعمل لغويات قوية وابتعد عن تكرار الكلمات والجمل

6- حاول دايما تخلي الاحداث بتاعة الرواية الخاصة بيك متبعدش عن بعضها يبقي فيه ترابط

7-حاول دايما لو انت لسه طالب او بتشتغل انك تخلي وقت كل يوم للكتابة ودايما ابدأ حتي لو السرد مش عاجبك اهم حاجه تبدأ لانك مممكن لما تدخل في أجواء الرواية تقدر تعدل مشاهد وجمل كتير للافضل

8- استمر استمر استمر هتوصل انك تطلع عمل كويس

9- حاول تخلي ناس قريبة منك تقرأ اللي بتكتبه وتشوف رأيهم

10- وانت بتخلي الناس تقرأ اللي انت بتعمله او بتكتبه راقب ردود افعالهم لمعة عنيهم هل هما مشدودين للي بتكتبه ولا فيه ملل

11 – السرد الافضل دايما انه يبقي باللغة العربية الفصحي والحوار لو تقدر تعمله بالفصحي يبقي افضل ولو معرفتش يبقي بالعامية عادي مفيش مشكله.

12- لو قررت تكتب روايتك بمزيج من الفصحي والعامية خد بالك جيدا من الاخطاء اللي ممكن تقع فيها زي مثلا انه في جمله واحده سردية هتدخل الفصحي في العامية ودي كارثة انا وقعت فيها في اول عمل لانه كان كبير وفي احيان كتيرة سرحت بالخيال والموضوع

13- ابدع لا تقلد أحد في كتاباته لازم يبقي ليك طريقتك المميزة حتي لو مش قوية في الاول

14- اوعي تحكم نفسك باشتراطات دور النشر وانت بتكتب اهم حاجه لازم تبقي االاحداث مترابطة ومتزنة ويبقي فيه ما يسمي بالحبكة الروائية .

15- خدني معاك انا كقارئ لفكرتك وتخيلك وصلي اللي انت عايزه يوصله ببساطه بدون تعقيد

16 – فيه ناس بتعرف الشخصيات الخاصة بالعمل في اول ظهورها بالاحداث وانا بفضل انك تدريجيا تعرفنا علي الشخصية متقولش مواصفات صريحه زي طوله ووزنه ولونه الا من خلال الاحداث .

17- اكتب وأقرا لنفسك ده اهم حاجه حاول تحس باللي كاتبه كأنه واحد تاني هو اللي كاتبه هل هيعجبك ؟! أم لا !

18- متقعدش ساعات كتير بتكتب لازم تفصل حتي ببريك او تقرأ حاجه خفيفة ممكن تديلك لغويات تساعدك او تديلك فكرة جديده

19- لو انت قررت انك تأخد بريك وانت بتكتب ابوس ايدك اوعي تاكل وتدبها هتنسي العمل بيتكلم عن ايه اساسا " حاجات خفيفة"

20- وأخيرا متفقدش الامل وانت بتكتب الرواية لانها هتاخد وقت طويل اتقل علي الرز لما يستوي واحب أقولك فيه اغنية جديدة لرامي جمال " لو الظروف هتسخف سقف سقف " اتفقنا

لسه فيه نصايح كتير لو حابب نكمل علشان نعرف ازاي انشر الرواية وعدد الكلمات والغلاف واختيار اسم الرواية وايه افضل مواعيد النشر لو وصلك المقال عايز اعرف ارائكم علي الصفحه  ...............................

شكرا حسن الهلالي

الطرق السحرية لتعلم الطبخ في البيت مثل المطاعم

ازاي تعمل / تعملي أكلك بالبيت زي المطاعم

الطرق البسيطة والسحرية اللي هتخلي أكلك زي بتاع المطعم 

معظم مشاكلنا في أكل البيت انه مش مختلف وانه كمان ميشبهش اكل المطاعم اللي بتتقدم بطريقة جميلة تفتح النفس أنا بحكم عملي كمدير مطاعم بحاول أسهل الدنيا وهشرح ببساطة ازاي نخلي أكلنا يبقي زي بتاع المطاعم ويمكن أفضل كمان ونسهل علي الناس او ست البيت بالاخص ازاي تعمل اكل لأسرتها يبقي شهي ويشبه ما يقدم بالمطاعم اللي بندفع فيها فلوس كتير .

أولا لازم نكون عارفين اننا بنكلف أكلنا في البيت وبنصرف عليه كتير لكن فيه حاجات لو عملناها هتخلي أكلنا متميز وصدقوني محدش هيبص بره تاني للمطاعم لأنه في كل مره ولادك وزوجك هيلاقي تغيير 

كمان مهم جدا اننا نكون عارفين إنه من أهم أسباب حبنا لأكل المطاعم هو تغير الشكل المعتاد عن اللي بيتقدم في بيوتنا ودلوقتي هقولكم عن بعض الافكار السحرية اللي هتبقي نقطة تحول في أكلنا 

1- حاول / حاولي في بداية الاسبوع تعمل منيو كده حتي لو في دماغك عن ايه اللي ممكن اعمله طوال الاسبوع ودايما لابد ان يكون كل يوم مختلف عن الاخر حتي وان كان التغيير في صنف معين بس .

2- من ضمن الحاجات اللي بتفتح النفس وتخلي الاكل شهي وممتاز أطباق السلاطات ولازم تغيري علي قد ما تقدري من انواع السلاطات اللي بتعمليها يعني مش كل يوم طبق السلطة الخضراء دي علطول وان كان ولابد فحاولي تضيفي نوع خضار مختلف ولونه مميز علي طبق السلطة صدقوني هيديله اختلاف تام .

3- بالنسبة كمان لأطباق السلطة احنا في الفنادق والمطاعم ساعات بنغير الدرسينج أو تتبيله السلطة علشان تغير طعمها يعني نفس المكونات بس بطعم مختلف في كل مرة .

4- دايما لازم تهتمي بالشكل اللي هتقدمي بيه الاكل يعني عندك في النيش أطباق علي كل شكل وكل لون وغير مستخدمه خلي مثلا اجازتكم "الجمعه " في أطباق مختلف انا مش فاهم امال لازمتها ايه الاطباق الكتيره دي 

5- كمان وانتوا بتقدموا الاكل حاولي تنظمي شكل الطبق والحاجة تتحط بطريقة مريحة .

6- كمان لو انتوا اسره كبيرة او حتي صغيرة ومهما كان كمية الاكل اللي هيتعمل خلي قدام كل واحد طبقة الخاص وفي الطبق ده ممكن تتضعي القليل من الارز بشكل معين او فورمه تخلي شكله حلو ممكن تستخدمي أي بوله صغيرة تضعي فيها الارز ثم تقلبيه علي الطبق ليأخذ شكل البوله بالاضافه الي قطعة اللحوم او الدجاج او الاسماك تبقي بجانب الارز وفككوا بقي من شغل النوايب اللي هتتوزع عالاكل .

لسه مخلصتش كلامي فيه طرق كتير وكتير جدا لو لاقيت تفاعل هنخلي باذن الله المتابعين دول محترفين وشيفات كبار أحسن من اللي بنشوفهم في المطاعم الكبيره والفنادق

من هو نبيل علي محمد وسر احتفال جوجل به

من هو نبيل علي محمد متصدر بحث جوجل 

سر احتفال جوجل بنبيل علي محمد

يتصدر المصري نبيل علي محمد ترند جوجل في البحث اليوم الجمعه 3 يناير 2020 وذكري عيد ميلاده 82 وذلك لانه أحد رواد علم اللغويات الحاسوبيه وساهمت ابتكارات الدكتور نبيل في هذا المجال في برامج مكنت اجهزة الكمبيوتر من التعامل مع اللغة العربيه بشكل رقمي واحتفلت شركة جوجل بابتكارته وغيرت واجهتها الرئيسية في محركات البحث بصورة الدكتور نبيل تكريما له .

ولد الدكتور نبيل علي محمد في محافظة القاهرة 3 يناير عام 1938 وكان مهتما بالفن منذ الصغر ، حصل علي الدكتوراهفي هندسة الطيران من جامعة القاهرة وظل اكثر من عشرين عاما يعمل في العديد من شركات الكمبيوتر والالكترونيات في العديد من الشركات علي مستوي العالم .

وساهم الدكتور نبيل على في رقمنه الحاسوب وقرائته للغه العربيه بكل سهوله لذلك أرادت شركة جوجل الاحتفاء باساهماته بوضع صورته على محركات البحث اليوم... 

أسرار وكواليس توقيع المدير الفني الجديد لبيراميدز

هوية المدير الفني الجديد لنادي بيراميدز

أسرار وكواليس الحصول علي توقيع البلجيكي مارك فليموتس

بسبب تراجع مستوي النتائج الاخيرة وعدم تحقيق الفوز في ثلاث مباريات تحت قيادة المدير الفني سبستيان ديسابر قررت ادارة النادي اقالة ديسابر وتولي كابتن عبد العزيز عبد الشافي القيادة المؤقته للفريق السماوي واستطاع تحقيق الفوز في مباراة وادي دجلة 1-0 بهدف لعبدالله السعيد في الدقيقة 75 من ركلة جزاء ليرتفع رصيد بيراميدز للنقطة 16 ويحتل المركز الخامس في ترتيب الدوري الممتاز .

هذا وقد أكدت المصادر بأن هاني سعيد مدير الكوره بالنادي وممدوح عيد المدير لاالتنفيذي بالنادي قد سافرا الي دولة الامارات العربيه للحصول علي توقيع البلجيكي مارك فليموتس المدير الفني السابق لمنتخب بلجيكا ليخلف ديسابر في قيادة الفريق وقريبا سيتم الاعلان الرسمي عن تفاصيل التعاقد مع البلجيكي فليموتس .

التحليل النفسي للشخصيات

التحليل النفسي للشخصية 

مبادئ التحليل النفسي ومنهجية الدخول الي النفس البشرية

السلام عليكم ورحمة الله وبركاته هبدأ ان شاء الله قريبا في نشر العديد من التدوينات التي تخص تحليل الشخصيه ومعرفة العوامل المؤثرة علي النفس البشرية ومبادئ التحليل المرتكز عليها هذا المنهج .

تزايدت الاونة الاخيرة المشاكل الصحية النفسية وزياده معدلات الاكتئاب مما اثر علي كثير من النواحي ولعل اهمها النواحي الاجتماعية والاسريه .

بمشيئة الله سنتطرق للعديد من الطرق التي ستحرر النفس البشرية من الضغوط وتفادي الوصول الي مرحلة الاكتئاب بل سنستخدم العديد من المناهج والاساليب لتخفيف الالالم والضغوط النفسية  .

سنتحدث ايضا علي علاقة الدين والحالة النفسية , الروحانيات والنفسية .

فقط كل ما اريده هو الدعم لكي اكمل مسيرتي دون ملل او كسل .

أخيرا ارجو من الله أن يوفقني الي ما يحبه ويرضاه ويجعلني سببا في تقديم معلومة مفيدة للناس .

أزمة كبيرة لم يراها باتريس كارتيرون من قبل

تصريح كارتيرون المدير الفني لنادي الزمالك بعد انتهاء مباراته مع زيسكو الزامبي

ماذا قال كارتيرون عن أزمة النادي الزمالك :

صرح المدير الفني لنادي الزمالك الفرنسي باتريس كارتيرون أن فريقه يعاني من ازمة كبيرة وسوء حظ كبير وأنه لاول مرة في تاريخه التدريبي يري مثل ذلك الامر المحير وكان ذلك في تصريح له بعد انتهاء مباراته مع نادي زيسكو الزامبي في البطوله الافريقيه والتي انتهت بالتعادل الايجابي 1-1 وذكر ايضا أنه فخوره بلاعبيه وانهم بذلوا المطلوب منهم واكثر داخل المستطيل الاخضر ولكن سوء الحظ ما زال يحالفهم الاونة الاخيرة وتتوالي التعادلات وعدم تحقيق اي انتصارات مما اثار غضب كثير من مشجعي النادي الابيض .

كما صرح ايضا الفرنسي بأنه كان يعلم أن الفريق ستواجهه تحديات بدنية كبيرة خاصه

 بعد خوضه لمبارة في الدوري العام الثلاثاء الماضي وأن ضغط المبارايات اصاب 

اللاعبين بالارهاق والاعياء .

قال ايضا أن فريقه خلق العديد من الفرص الحقيقية ولكن لم تترجم الي اهداف مما زاد

 من التوتر في الفريق ولكنه وعد بأن الفترة القادمة سيحدث العديد من التغيرات التي

 ستساهم في استعدال مسار الملكي المصري .

أخيراً حقيقة الحوت الازرق

لم يكن حديث بجميع وسائل التواصل الاجتماعي الفترة الماضية الا عن حقيقة الحوت الازرق وظهوره وعلاقته ببعض ما قيل عن انه احدي علامات الساعة 
الحوت الازرق :
هو حيوان ثديي بحري ويعد أكبر الحيوانات المتعارف عليها علي الاطلاق حيث يصل طوله الي 30 متر ويزن حوالي 170 طن ويتدرج لون الحوت الازرق من الازرق الي الازرق الفاتح ويميل الي الابيض في المنطقة السفليه منه .
سلالات الحوت الازرق :
يوجد أربعة سلالات معروفة للحوت الازرق وهي كالاتي 
1- سلاله مسكيولس وهذه السلاله تعيش شمال المحيط الهادي وشمال المحيط الاطلسي 
2- سلالة بريفيكودا أو الحوت القزم وتعيش تلك السلالة في المحيط الهندي وجنوب المحيط الهادي 
3- سلالة انترميديا ويعيش في المحيط الجنوبي المتجمد 
4- سلالة انديكا ويعيش هذا النوع في المحيط الهندي .

واستمر مطاردة صيادوا الحيتان لاكثر من قرن من الزمان الي أنها أصبحت مهددة بالانقراض حيث يقدر عدد الحيتان الزرقاء الموجوده حاليا بمختلف سلالتها 7000 الاف الي 12000 حوت بكل المحيطات وهذا وفقا لاخر تقرير صدر عام 2002 بعد اهتمام المجتمع الدولي بذلك .

أكذوبة وسائل التواصل الاجتماعي فيما يخص تلك الاصوات المخيفة المتداوله وعلاقتها بالحوت الازرق

وقد انتشر مؤخرا علي السوشيال ميديا اخبارا كثيرة عن ظهوره في العديد من سواحل البحر المتوسط وأخيرا الاسكندرية وما أثار الفزع اكثر هو صوت الحوت المخيف وتداولت الاخبار عن سماع العديد من الناس صوت الحوت وتم تسجيله لذلك قامت لجنة من وزارة البيئة ومتخصصين بشأن المحميات للتحقيق في هذا الموضوع من بعض الشهود القريبين جدا من تلك المناطق ونفوا تماما سماع تلك الاصوات المخيفه .
لا علاقه بظهور الحوت الازرق الذي فقد قطيعه وانحرف عن المسار الي داخل البحر الابيض المتوسط وعن بعض الخرافات المروجه التي اثارت الفزع والخوف كما أكد الكثير من رجال الدين أن ذلك الامر غير صحيح بالمرة .
شكرا لحسن المتابعة ..................................................